INTERVISTA NGA EKIPI
Intervistë me Regjisorin Ibër deari
Si u lindi ideja për filmin “Everybody Calls Redjo” dhe çfarë ju inspirua të krijojë këtë projekt?
Me bashkëskenaristin tim, Artin Selmani, që krijuam këtë film, ishim në kërkim të ngjarjeve dhe temave aktuale që na rrethojnë. Unë kisha një pjesë, ai një pjesë tjetër, dhe pastaj i bashkuam, kështu lindi… si një ide fillestare, e pastaj zhvillimi ka marrë shumë kohë.
Intervistë me skenaristët ibër deari dhe artin selmani
Cili ishte qëllimi juaj kryesor kur krijuat skenarin e filmit? Çfarë dëshironit të transmetonit tek audiencës përmes kësaj historie?
Ibër: Nevoja për të rrëfyer këtë tregim, si unë po ashtu edhe Artin, ka qenë rezultat i shumë reflektimesh në skenar. Kemi vënë re se kemi konflikte dhe probleme të ngjashme, kështu që si një skenar i plotë, besoj se shumë të tjerë do të njihen me vetveten aty.
Artin: Qëllimi kryesor ishte që të tregojmë një jetë të njerëzve që mbeten, pasi gjithmonë kur ik dikush dhimbja i mbetet atij që ngelet. Ky është fati edhe i vendit tonë pasi prej shpërnguljes masive të njerëzve gjithë kemi mbetur në njëfarë pritje dhe dhimbje. Nëpërmjet Redjos ne shohim se kemi mundësi që edhe këtu të ndërtojmë një jetë, gjithashtu kemi nevojë që të gjithë sëbashku ta angazhojmë fenomenin Redjo t’na rregulloj edhe brendinë e shpirtit që e kemi të thyer si shoqëri.
Intervistë me aktorin afrim muçaj
Duke pasur parasysh se keni bashkëpunuar edhe në projekte të tjera me regjisorin, kur ishte momenti kur ju u ftuat të ishit pjesë e roli të Rexhës në këtë projekt?
Në këtë profesion, energjia dhe besimi janë shumë të rëndësishme. Kjo na shoqëruar ne në të gjitha projektet me regjisorin Iber Deari, ashtu si ka ndodhur edhe me Redjon. Energjia dhe besimi e kanë shtyrë regjisorin të më ftonte për të qenë pjesë e rolit Redjo, nëse më kujtohet, 1 muaj para xhirimeve. Edhe sot, jemi shumë të lumtur që gjithçka funksionon mrekullisht.
Intervistë me aktoren adriana matoshi
Si mendoni se roli i Hires në “Everybody Calls Redjo” do të përcillet nga audiencës dhe si do të ndikojë në perceptimin e filmit?
Mendoj se gratë do të ndjehen shumë të lidhura me karakterin e saj. Besoj se shumica do të kenë shumë arsye për të qeshur, pasi çdo shtëpi shqiptare ka një “Hire”.
Intervistë me aktorin ledion mulaku
Si ishte momenti kur zbuluat se ka casting për film dhe po kërkohen fëmijë për rolin e Nikut?
Kam marrë pjesë në disa projekte më të vogla, dhe nga një të afërm familjar mësova për kërkimin e një roli në filmin Everybody Calls Rexho. Mendova se mund të përfaqësoj mirë personazhin e Nikut.
Lexo më shumë
Intervistë me aktorin mirsad abazi
A ka ndonjë skenë ose moment të veçantë në film që ju ka lënë përshtypje të thellë?
Disa momente të aksionit ishin të veçanta, veçanërisht një skenë ku pata një përplasje fizike me aktorin kryesor, e cila ishte aksidentale por shtoi autenticitetin e skenës.
Interviste me montazherin avdi thachi
Cili ishte një nga momentet më sfiduese për t’u montuar dhe pse?
Përfundimi i filmit ka qenë më i vështiri, pasi i gjithë kulminacioni i emocioneve duhet të rritet dhe të përfundojë aty. Posaçërisht pjesa e filmit tek ‘Kafja e Miftarit’ është dashur të punohet shumë sepse kemi ndryshuar shumë nga skenari dhe nga ajo që është xhiruar për t’i dhënë një kahje tjetër emocioneve të Rexhës.
Lexo më shumë
intervistë me skenografin ardian kadriu
A keni përdorur ndonjë temë vizuale apo simbolikë në skenografi për të theksuar mesazhet apo temat specifike të filmit?
Po, ka shumë simbolika të krijuara përmes skenografisë, të cilat do të diskutohen më thellësisht pas premierës së filmit. Çdo element në skenë është i menduar dhe nuk është i rastësishëm.